نئی دہلی ،24؍نومبر (ایجنسی) دہلی میٹرو کا کرایہ بڑھنے کے بعد روزانہ 3 لاکھ مسافر گھٹ گئے ہیں۔ڈی ایم آر سی نے گزشتہ ماہ 10 اکتوبر کو کرایہ بڑھایا تھا۔کرایہ بڑھنے کے بعد پانچ کلومیٹر سے زیادہ کا سفر طے کرنے والا ہر مسافر متاثر ہوا ہے۔جبکہ 32 کلومیٹر سے زیادہ سفر کے لئے زیادہ سے زیادہ کرایہ ابھی 60 روپے ہے۔دہلی میٹرو کا کرایہ دنیا کے بڑے شہروں کی میٹرو کے مقابلے زیادہ ہے۔بیجنگ، نیویارک اور پیرس جیسے شہروں کی میٹرو کے رینٹل سے تین گنا زیادہ کرایہ دہلی میٹرو کا ہے۔اکتوبر میں کرائے بڑھنے کے بعد دہلی میٹرو کی مہنگائی کی صورت میں سب سے آگے ہے۔جو آمدنی کا فیصد دہلی میٹرو کے سفر پر خرچ کیا جاتا ہے وہ 23.39فیصد ہے یعنی بیجنگ، نیویارک اور پیرس جیسے شہروں سے تین گنا زیادہ ہے۔بڑھئی کا کام کرنے والے 38 سال کے رام کمار اور سرکاری نوکری کر رہے امت دھکڑ نے دہلی حکومت اور ماحولیاتی آلودگی کنٹرول اتھارٹی (ای پی سی اے)نے میٹرو کے کراے میں کمی کرنے کہا لیکن اب تک کوئی کارروائی نہیں ہوئی۔دہلی میٹرو کے تیسرے مرحلے کے مکمل ہونے پر امید ہے کہ ایک لاکھ کاریں سڑکوں پر نہیں اتریں گے لیکن اس میں تاخیر ہو رہی ہے۔2016 دسمبر میں اسے پورا ہونا تھا جو اپریل 2018 تک ٹال دیا گیا ہے۔